Poetry: ज्योतिर्लिंग सोमनाथ पर कजरी

नया सवेरा नेटवर्क

ज्योतिर्लिंग सोमनाथ पर कजरी 

-------------------------

चला घूमि आई सोमनाथ धाम सखी 

 लइ भोले क नाम सखी न। 

नीलकंठ, डमरू वाले,

सारी दुनिया में निराले,

जे भी जल चढ़ावइ,पूरा होला काम सखी

लइ भोले क नाम सखी न।

हौं सौराष्ट्र के अभिमान,

करइं देव भी गुणगान,

भक्त पुण्य घट भरइं जहां अविराम सखी

लइ भोले क नाम सखी न।

अइलें लूटइ आतताई 

झोली भरि गइल हो भाई

सोना-चांदी पइलें म्लेच्छगण तमाम सखी 

लइ भोले क नाम सखी न।

मिलल देश कइ आजादी 

भइ पटेल कइ मुनादी

जीर्णोद्धार भइल दर क सुबहोशाम सखी

लइ भोले क नाम सखी न।

जे करइ जलाभिषेक 

पावइ शुभ खबर अनेक

लइ कांवड़िया चला, कइ आई प्रणाम सखी 

लइ भोले क नाम सखी न।

जबसे लाग बा सवनवां 

वश मा बाटइ नाहीं मनवां

एनकेन करा कवनउ इंतजाम सखी 

लइ भोले क नाम सखी न।

चला घूमि आई सोमनाथ धाम सखी 

 लइ भोले क नाम सखी न।

सुरेश मिश्र 

Ad

Ad

Ad