Poetry: शाळा हेच मंदिर

नया सवेरा नेटवर्क

शाळा हेच मंदिर 

शाळा हेच मंदिर माझे , देव मुले मुली,

शिक्षकांनी व्हावे त्यांची , कल्पवृक्षाची साऊली llधृ ll

पेटवून त्यांच्या साठी , ज्ञानदीप ज्योती ,

शिकवुनिया शांत होई , भूक या मनाची , 

सदा स्मित हास्य त्यांचे,  मना वेड लावी ll१ll 

निरागस कोमल काया  , मनी नसे द्वेश, 

उॅच - नीच त्यांच्यासाठी , कुणी नसे येथ,

अमृताहुनी गोड , असे त्यांची बोली ll२ll 

नभाहुनी मोठी आशा , त्यांना शिकण्याची ,

ज्ञानरूपी पंखाने हे , आसमंत भेदण्याची, 

शिक्षकच आहे त्यांच्या, भविष्याचा वाली ll३ll 

सदा वाहतो मी त्यांचा , भार माझ्या डोई ,

तेच माझे पांडुरंग , तेची रखुमाई ,

शाळेलाही मंदिर बनवी , अशी त्यांची नवलाई ll४ll 

श्री ज्ञानेश्वर एम.कव्हर (शिक्षक)

बृहन्मुंबई महानगर पालिका

विज्ञापन