#Poetry: काहें झुलनियां गढ़इल्या, उधार पिया | #NayaSaveraNetwork

नया सवेरा नेटवर्क

काहें झुलनियां गढ़इल्या, उधार पिया

 छेड़ेला सुनार पिया न।

बीच रहिया म रोकइ,

हमके बार-बार टोकइ,

जब भी शुक्र-सोम जाई हम बजार पिया 

 छेड़ेला सुनार पिया न। 

कऽ बताई अब कहानी,

हम शरम से पानी-पानी,

देखि-देखि हंसइं दुधई कहार, पिया 

 छेड़ेला सुनार पिया न। 

बढ़ल बाटइ अस ढिठाई,

हमरी नापेला कलाई,

छुइ के पूंछइ, केतना बड़ा चाही हार पिया 

 *छेड़ेला सुनार पिया न।*

तोहरा परत बानी पइयां,

घरवा जल्दी आवा सइयां,

घर मा केउ बाटइ हमरा पहरेदार पिया 

छेड़ेला सुनार पिया न।*

रहल पइसा न सजनवां,

काहें गढ़इल्या गहनवां,

काहें हमरा के बनइल्या कर्जदार पिया 

छेड़ेला सुनार पिया न।*

तू तउ जा बस्या भिलाई,

हम बजरिया कइसे जाई,

बेल्हा माई अब लगावइं बेड़ा पार पिया 

छेड़ेला सुनार पिया न।*

आ के जल्दी से चुकावा,

लजिया हमरी तू बचावा,

नाहीं हमहूं हेरब नदी अउ इनार पिया,

छेड़ेला सुनार पिया न।*

 काहें झुलनियां गढ़इल्या तू उधार पिया, 

 छेड़ेला सुनार पिया न।

 सुरेश मिश्र 

 9869141831

विज्ञापन

Ad

Ad