नया सवेरा नेटवर्क
गिनती की साँसें
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
पाप और पुण्य कै ई बाटे दुई डगरिया,
दुई दिन कै जिनगी बा, छूटी ई बजरिया।
सोनवाँ जस देहियाँ के दीहैं लोग जलाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
मोह के तू खोह में न सूता ऊ मचनवाँ,
गरदा जमें न पावे, मन के गगनवाँ।
मिली प्रभु जी कै दर्शन जब करबा सफाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
खोजा अपने नइया कै अब तू खेवइया,
बहुत खाई चुकला तू अबतक मलईया।
छूटी घर-द्वार और छूटी ऊ लुगाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
गिनती की साँसें तू बेकार न गँवावा,
छल औ कपट से न तनिको सजावा।
पिंजड़ा से सुगवा अकेले उड़ी जाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
रामकेश एम. यादव, मुंबई
(रॉयल्टी प्राप्त कवि व लेखक)
 |
| Ad |
 |
| Ad |
 |
| Advt. |
0 टिप्पणियाँ